Asamblea Nacional del Poder Popular de la República de Cuba | ||
---|---|---|
(VIII Llexislatura) | ||
![]() | ||
Datos Xenerales | ||
País |
![]() | |
Creación | 2 d'avientu de 1976 | |
Tipu | Unicameral | |
Lideralgu | ||
Presidente | Esteban Lazo Hernández, PCC | |
Vicepresidente | Ana María Mari Machado, PCC | |
Estructura | ||
Miembros | 612 diputaos | |
![]() | ||
Sedes | ||
Palaciu de les Convenciones | ||
Sitiu web | ||
http://www.parlamentocubano.cu/ | ||
[editar datos en Wikidata] |
L'Asamblea Nacional del Poder Popular (ANPP) ye'l Poder Llexislativu de la República de Cuba. D'alcuerdu a la Constitución cubana de 1976, correspuénden-y les facultaes llexislatives y constituyentes de la Nación. Ta integráu por diputaos electos por 5 años reelegibles, representando los 168 conceyos. Cuenta con 612 diputaos dende la última eleición xeneral celebrada en 2013, lo cual correspuende a la Octava Llexislatura.[1]
Na actualidá'l so presidente ye Esteban Lazo Hernández[2] y el so vicepresidente ye Ana María Mari Machado.[3]
L'Asamblea sesiona de forma ordinaria en dos periodos añales (al rematar cada semestre)[4] por un términu de dos o tres díes por sesión. Antes de cada periodu de sesiones, axúntense les sos comisiones permanentes. Toles resoluciones de l'Asamblea Nacional fueron aprobaes dende la so fundación por unanimidá.
Correspuénde-y designar, a propuesta del Presidente del Conseyu d'Estáu, los integrantes del Consejo de Ministros. Asina mesmu cumple los llabores de revisión, en cuanto revocar los decretos-lleis y decretos qu'emita'l Conseyu d'Estáu que contradigan la Constitución y les lleis. Revocar o modificar los alcuerdos y decretos de les asamblees populares locales y provinciales que contradigan les Constitución y les lleis. D'ente los integrantes de l'Asamblea escueye'l Consejo d'Estáu, que ye responsable ante l'Asamblea.[4]
Subordínense tamién a l'Asamblea Nacional como órganos estatales el Tribunal Supremu Popular, la Fiscalía Xeneral de la República y la Contraloría Xeneral de la República. L'Asamblea escueye a los máximos representantes de dichos órganos, los que rinden cuenta a ésta de la so actividá.[4]
© MMXXIII Rich X Search. We shall prevail. All rights reserved. Rich X Search